FCI.ge

Barcelon
Real Madrid
Atletico Madrid
Valencia
Manchester United
Chelsea
Liverpool
Manchester City
Arsenal
Juventus
Milan
Roma
Napoli
Napoli
Bayern Munchen
Borussia Dortmund
Schalke 04
Bayer Leverkusen
PSG
Olympique Lyonnais
Olympique Marseille
Ajax
PSV
Porto
Dinamo Tbilisi
Dila
Chikhura
Zestafoni
Metalurgi Rustavi
Guria

გამოკითხვა

FCI.ge

გერმანიის თასი: 7 აპრილის მატჩების პრევიუ

7-04-2015
1 კომენტარი

სანაკრებო პაუზის შემდეგ, საკმაოდ საინტერესო ტური გაიმართა ბუნდესლიგაში, ახლა კი გერმანული ფეხბურთის მოყვარულს სათასო დაპირისპირებები ელოდება. გერმანიის თასის მეოთხედფინალური შეხვედრები ერთმატჩიანია, რაც კიდევ უფრო დიდ ინტერესს იწვევს. დღეს, "ვოლფსბურგი" და დორტმუნდის "ბორუსია" ჩაატარებენ საკუთარ თამაშებს, ორივე მათგანი ფავორიტია, მაგრამ ეს არაფერს ნიშნავს.

 

ვოლფსბურგი Vs ფრაიბურგი

 

ჩემპიონატი: გერმანიის თასი, მეოთხედფინალური ეტაპი

თარიღი: 21:00 საათი, 7 აპრილი

სტადიონი: ვოლფსვაგენ არენა, ვოლფსბურგი

მთავარი მსაჯი: ტობიას შტილერი

პირდაპირი ტრანსლიაცია: -

 

სანაკრებო პაუზის შემდეგ, "ვოლფსბურგმა" რეაბილიტაცია მოახდინა "მაინცთან" დაკარგული ქულების გამო და საკუთარ მოედანზე 3:1 მოუგო "შტუტგარტს". ამ თამაშის მთავარი მოვლენა, ანდრე შურლეს მიერ გატანილი პირველი გოლია პრემიერ ლიგიდან დაბრუნების შემდეგ. ეს მისთვის ძალიან მნიშვნელოვანია და იმედია, რომ ანდრე მოუმატებს, უფრო მეტად სასარგებლო იქნება "ვოლფსბურგისთვის". დიტერ ჰეკინგის გუნდს ფაქტიურად განაღდებული აქვს მეორე ადგილი ბუნდესლიგაში, ამიტომ "მგლები" სრულიად კონცენტრირებულნი არიან სათასო ტურნირებზე, რათქმაუნდა პრიორიტეტი ევროპის ლიგაა, მაგრამ არც გერმანიის თასზე იტყვიან უარს. როგორც წესი, ჰეკინგი სათასო თამაშების დროს რამდენიმე წამყვან მოთამაშეს აძლევს დასვენების საშუალებას, მაგრამ ამჯერად ეს ნაკლებად მოსალოდნელია, რადგან მოთამაშეები არც ისე გადაღლილები არიან. თუმცა, "შტუტგარტთან" შეხვედრისგან განსხვავებით, ალბათ ძირითადში იქნება მაქსიმილიან არნოლდი, მან საკუთარი გუნდის ბოლო შეხვედრა დისკვალიფიკაციის გამო გამოტოვა. გუნდის ლაზარეთში, კვლავ ფელიპე და აარონ ჰანტი იმყოფებიან. ძირითადში სებასტიან იუნგის ხილვაც მოსალოდნელია, ახალგაზრდა გერმანელი ხშირად ვერ იღებს სათამაშო დროს და იმედია დღეს მაინც მიეცემა შანსი.

 

კრისტიან შტრაიხის გუნდმა, შაბათს "კიოლნი" დაამარცხა საკუთარ მოედანზე და ზედიზედ მეორე თამაში მოიგო ბუნდესლიგაში მშრალად. "ფრაიბურგმა" 28 ქულა დააგროვა და მე-14 პოზიციამდე ავიდა. შტრაიხი და მისი შეგირდები აუცილებლად ბოლომდე იბრძოლებენ და ეცდებიან, რომ თასზე მაქსიმალურად შორს გავიდნენ. რათქმაუნდა, "ფრაიბურგის" მთავარი საზრუნავი ბუნდესლიგაში ადგილის შენარჩუნებაა, მაგრამ შტრაიხი საკმაოდ მონდომებულია და არ იტყოდა უარს ღირსეულ ბრძოლაზე, თანაც ისეთ მეტოქესთან, როგორიც "ვოლფსბურგია". "ფრაიბურგს" ტრავმირებული მოთამაშეები არ ჰყავს, რაც შესანიშნავია. ძალიან საინტერესოა როგორ თერთმეტეულს შეარჩევს შტრაიხი, მას არჩევანი საკმაოდ დიდი აქვს.

 

ფავორიტი რათქმაუნდა "ვოლფსბურგია", მაგრამ "ფრაიბურგი" არაფერს დათმობს და ეცდება, რომ მინიმუმ ღირსეულად იბრძოლოს. თუ შტრაიხის გუნდი ძირითად დროში მაინც არ წააგებს - ეს უკვე მიღწევა იქნება.

 

 

სავარაუდო შემადგენლობები:

ვოლფსბურგი: ბენალიო - იუნგი, ნალდო, კნოხე, რ.როდრიგესი - გუსტავო, არნოლდი - კალიჯური, დე ბრუინი, შურლე - დოსტი.

 

ფრაიბურგი: ბიურკი - შეფერი, კრმასი, მიტროვიჩი, გიუნტერი - კლაუსი, სორგი, დარიდა, შმიდი - ფრანტცი, ფილიპი.

 

 

საინტერესო ფაქტები:

  • "ვოლფსბურგს", 20 მატჩიანი დაუმარცხებელი სერია აქვს საკუთარ მოედანზე, ბუნდესლიგისა და გერმანიის თასის ეგიდით.

 

  • "მგლებს" ბოლო ხუთი თამაში აქვთ მოგებული გერმანიის თასზე, ვოლფსბურგში.

 

  • დიტერ ჰეკინგმა ზედიზედ მესამედ გაიყვანა "ვოლფსბურგი" გერმანიის თასის მეოთხედფინალში და ვნახოთ ზედიზედ მესამედ მოახერხებენ თუ არა "მგლები" ამ ბარიერის გადალახვას.

 

  • ბოლო რვა გასვლითი თამაშიდან გერმანიის თასზე, "ფრაიბურგმა" შვიდი მოიგო, აქედან ექვსი ძირითად დროში.

 

  • ბოლო ათწლეულში, "ფრაიბურგი" მესამედ გავიდა მეოთხედფინალში და ერთხელ გააღწია შემდეგ ეტაპზე. ეს 2013 წელს მოხდა, როდესად შტრაიხის გუნდმა "მაინცი" დაამარცხა სტუმრად 3:2, მეოთხედფინალში.

 

  • "ვოლფსბურგს" ხუთმატჩიანი დაუმარცხებელი სერია აქვს "ფრაიბურგთან", ბუნდესლიგაში (4მ, 1ფ).

 

  • "ვოლფსბურგისა" და "ფრაიბურგის" ბოლო ათ დაპირისპირებაში, რომლებიც ბუნდესლიგის ეგიდით ჩატარდა, 36 გოლი გავიდა.

 

  • ამ გუნდების გზა გერმანიის თასზე მეორედ გადაიყარა. აქამდე, 2006/07 წლების სეზონში, "ვოლფსბურგმა" 1:0 დაამარცხა "ფრაიბურგი" მეორე წრეში.

 

 

დ.ბორუსია Vs ჰოფენჰაიმი

 

ჩემპიონატი: გერმანიის თასი, მეოთხედფინალური ეტაპი

თარიღი: 22:30 საათი, 7 აპრილი

სტადიონი: სიგნალ იდუნა პარკი, დორტმუნდი

მთავარი მსაჯი: დენის აიტეკინი

პირდაპირი ტრანსლიაცია: -

 

დორტმუნდის "ბორუსიას" დაუმარცხებელი სერია მეორე წრეში, მიუნხენის "ბაიერნმა" შეწყვიტა სიგნალ იდუნა პარკზე და 1:0 მოუგო პრინციპულ მეტოქეს. თუმცა, იმ შეხვედრაში იურგენ კლოპის გუნდს ნამდვილად სერიოზული პრობლემები ჰქონდა, რადგან "რეკორდმაისტერი" დაცვიდან თამაშობდა და არაფრის გაკეთების საშუალება არ მისცა მოწინააღმდეგეს. ეს დორტმუნდელთათვის მოულოდნელობა იყო, ახლა კი ისინი რეაბილიტაციის მოხდენას ეცდებიან თასის საშუალებით. თუმცა, სწორედ ეს ტურნირი "ბორუსიასთვის" პრიორიტეტული ამ ეტაპზე, ორი მიზეზის გამო: ევროპის ლიგის საგზურის მოპოვების შანსს იძლევა და ბოლო-ბოლო გერმანიის თასი ტიტულია. კლოპს კი რათქმაუნდა არ სურს, რომ შეწყვიტოს საკუთარი წარმატებული ტიტულოვანი სერია, რომელიც ზედიზედ ოთხ სეზონს შეადგენს. "ყვითლების" მთავარი პრობლემა ამ სეზონში მომენტების რეალიზაციაა, იმედი ვიქონიოთ, რომ "ბორუსია" ამჯერად არ გააფუჭებს ყოველ შანსს. პიშჩეკი, კირხი, შაჰინი და გროსკროიცი კვლავ ვერ დაეხმარებიან საკუთარ გუნდს. მოსალოდნელია რამდენიმე ცვლილება, პირველ რიგში ილქაი გიუნდოგანის დასვენებას უნდა ველოდოთ, მას სავარაუდოდ, სებასტიან კელი შეცვლის. აგრეთვე საინტერესოა ამჯერად ვის დააყენებს კლოპი თავდასხმაში, რადგან თასზე ჩირო იმობილეს აძლევს ხოლმე შანსს, მაგრამ იტალიელი არ არის ფორმაში, გუნდს კი გამარჯვება სჭირდება.

 

"ჰოფენჰაიმი" კიდევ უფრო ცუდ ფორმაშია, რადგან გუნდი სანაკრებო პაუზაზე "პადერბორნთან" ნულოვანი ფრით გავიდა, რის შემდეგაც შინ განადგურდა "მ.ბორუსიასთან". ლიდერები: კევინ ვოლანდი და რობერტო ფირმინიო ფორმაში არიან, მაგრამ დაცვის ხაზში არის პრობლემები. ნიკლას ზიულე კვლავ ლაზარეთშია, მაგრამ ამჯერად ბიჩაკჩიჩი შეძლებს თამაშს. ბოსნიელმა წინა მატჩი დისკვალიფიკაციის გამო გამოტოვა და მისი არყოფნა დაეტყო კიდეც გუნდს. მარკუს გისდოლი საბრძოლო შემადგენლობას დააყენებს, რადგან "სოფლელები" სერიოზულად უყურებენ გერმანიის თასს და სურთ, რომ რაც შეიძლება შორს გააღწიონ.

 

დორტმუნდში საკმაოდ საინტერესო და სანახაობრივი თამაშია მოსალოდნელი, წესით გახსნილი ფეხბურთი უნდა ვიხილოთ, ბევრი საგოლე მომენტით.

 

 

სავარაუდო შემადგენლობები:

დ.ბორუსია: ვაიდენფელერი - სოკრატისი, სუბოტიჩი, ჰუმელსი, შმელცერი - კელი, სვენ ბენდერი - კაგავა, კამპლი, როისი - ობამეიანგი.

 

ჰოფენჰაიმი: ბაუმანი - ბეკი, შტრიობლი, ბიჩაკჩიჩი, კიმი - რუდი, პოლანსკი - ელიუნუსი, ფირმინიო, ვოლანდი - მოდესტე.

 

 

საინტერესო ფაქტები:

  • ზედიზედ სამი თამაშია, დორტმუნდის "ბორუსიას" საკუთარ მოედანზე გოლი არ გაუტანია, ყველა ტურნირის ეგიდით.

 

  • თუმცა, გერმანიის თასზე, "ყვითლებს" ბოლო სამი საშინაო თამაში აქვთ მოგებული.

 

  • იურგენ კლოპის გუნდი ზედიზედ მეოთხედ გავიდა გერმანიის თასის მეოთხედფინალში, წინა სამი შემთხვევაშიდან კი ორჯერ გააღწია შემდეგ ეტაპზე.

 

  • "ჰოფენჰაიმს" ზედიზედ ხუთი გასვლითი თამაში არ მოუგია ბუნდესლიგაში.

 

  • სამაგიეროდ, გერმანიის თასზე, მარკუს გისდოლის გუნდი სტუმრად დაფრინავს: ზედიზედ ოთხი გამარჯვება, 23 გატანილი გოლით.

 

  • "ჰოფენჰაიმი" აქამდე ხუთჯერ გავიდა გერმანიის თასის მეოთხედფინალში და ხუთივეჯერ დამარცხდა (2007/08; 2009/10; 2010/11; 2011/12 და 2013/14).

 

  • ამ გუნდების პირველი ოფიციალური დაპირისპირება ისტორიაში, 2008 წლის 26 თებერვალს შედგა, სწორედ გერმანიის თასის მეოთხედფინალში. მაშინ, ტომას დოლის "ბორუსიამ" 3:1 "ჰოფენჰაიმს" სიგნალ იდუნა პარკზე.

 

გერმანიის თასის საუკეთესო ბომბარდირები

ფეხბურთელი გუნდი გოლი პენალტით
1 სვენ შიპლოკი ჰოფენჰაიმი 5 0
2 შტეფან კისლინგი ბაიერი 5 0
3 დავიდ ალაბა ბაიერნი 5 0
4 ჩირო იმობილე დ.ბორუსია 3 0
5 ადმირ მეჰმედი ფრაიბურგი 3 0

https://fci.ge/uploads/germany-dfb-pokal.jpg
მწვანე ზონა

ინფორმაცია

სიახლისთვის კომენტარის დატოვება შესაძლებელია მხოლიდ მიმდინარე 3 დღე გამოქვეყნების დღიდან.

navige
saitebi