"ლივერპულის" გამოცდილი განაპირა მცველი გლენ ჯონსონი ფიქრობს, რომ გუნდს კონტრაქტის ამოწურვის შემდეგ, ზაფხულში დატოვებს.

"წავალ თუ არა "ლივერპულიდან"? ვფიქრობ კი, რადგან ჩემი კონტრაქტი კლუბთან იწურება. უნდა მოვითმინოთ და ვნახოთ შეიცვლება თუ არა სიტუაცია", - ციტირებს ჯონსონის სიტყვებს, "Sky sports".

30 წლის გლენ ჯონსონი, რომელსაც დაცვის ორივე ფრთაზე შეუძია თამაში, 2009 წლიდან იცავს "ლივერპულის" ღირსებას, მაგრამ ამ სეზონში დაკარგა ძირითადში ადგილი, ამიტომ არ არის გამორიცხული კარიერა სხვა კლუბში გააგრძელოს.

გლენ ჯონსონი საკმაოდ გამოცდილი, კარგი მცველია, ამიტომ არაერთ ინგლისურ კლუბს გამოადგება.