დორტმუნდის "ბორუსიას" უნივერსალური მოთამასე კევინ გროსკროიცი კიდევ ერთ თვეს გამოტოვებს.

ბუნდესლიგის ოფიციალური ვებ-გვერდი იტყობინება, რომ გერმანელმა მუხლის სერიოზული ტრავმა მიიღო და მინიმუმ ოთხი კვირით ვერ დაეხმარება საკუთარ გუნდს.

ეს კი იმას ნიშნავს, რომ გროსკროიცი გამოტოვებს ბუნდესლიგაში დარჩენილ ოთხივე შეხვედრას: "ჰოფენჰაიმის", "ჰერტას", "ვოლფსბურგისა" და "ვერდერის" წინააღმდეგ.

მისი დაბრუნება შესაძლოა 30 მაისს შედგეს, ბერლინის ოლიმპიურ სტადიონზე, გერმანიის თასის ფინალში, "ვოლფსბურგის" წინააღმდეგ. თუმცა, მისი თამაში ფინალში - საეჭვოა.

ბუნდესლიგის მიმდინარე სეზონში, კევინ გროსკროიცმა 17 მატჩი ჩაატარა და ორი საგოლე პასით შემოიფარგლა.