ბილბაოს "ატლეტიკის" ვეტერანმა მცველმა, ანდონი იაროლამ დაადასტურა, რომ ზაფხულში დატოვებს სან-მამეს.

ამის შესახებ, თავად 32 წლის ესპანელმა განაცხადა, საგანგებოდ გამართულ პრესკონფერენციაზე: "ყოველწლიურად, უფრო მიჭირს გუნდის მაღალი სტანდარტების დაკმაყოფილება. "ატლეტიკის" მაისურის ტარება - საპასუხისმგებლო მისიაა".

მოსალოდნელია, რომ მას შემდეგ, რაც ზაფხულში თავისუფალი აგენტი გახდება, ირაოლა კონტრაქტს MLS-ს რომელიმე წამყვან კლუბთან გააფორმებს.

ანდონი ირაოლა 2003 წლიდან იცავს ბასკების ღირსებას. ამ დროის განმავლობაში, ის გახდა მეოთხე მოთამაშე "ატლეტიკის" ისტორიაში, ჩატარებული მატჩების რაოდენობით - 507.

ლა ლიგის მიმდინარე სეზონში კი, ირაოლამ 20 მატჩი ჩაატარა და ერთი საგოლე გადაცემა გააკეთა.