გერმანიის ეროვნული ნაკრების თავდამსხმელმა, პატრიკ ჰელმესმა ბუცების ლურსმანზე ჩამოკიდება გადაწყვიტა.

"კიოლნის" ოფიციალური ვებ-გვერდი იტყობინება, რომ 31 წლის პატრიკმა დაასრულა პროფესიონალური კარიერა. ამის მიზეზი კი ჯანმრთელობის მუდმივი პრობლემებია.

აღსანიშნავია, რომ გერმანულმა კლუბმა პატივისცემა გამოხატა ჰელმესის მიმართ და ვაკანტური ადგილი შესთავაზა - ახალი სეზონიდან, გამოცდილი გერმანელი "თხების" 23 წლამდელთა გუნდს უხელმძღვანელებს.

პატრიკ ჰელმესმა "კიოლნის" მაისურით ჯამში 95 მატჩი ჩაატარა და 47 გოლი გაიტანა. მას ნათამაშები აქვს ლევერკუზენის "ბაიერსა" და "ვოლფსბურგშიც".