FCI.ge

Barcelon
Real Madrid
Atletico Madrid
Valencia
Manchester United
Chelsea
Liverpool
Manchester City
Arsenal
Juventus
Milan
Roma
Napoli
Napoli
Bayern Munchen
Borussia Dortmund
Schalke 04
Bayer Leverkusen
PSG
Olympique Lyonnais
Olympique Marseille
Ajax
PSV
Porto
Dinamo Tbilisi
Dila
Chikhura
Zestafoni
Metalurgi Rustavi
Guria

გამოკითხვა

FCI.ge

ბარსელონა: თავი კამპ-ნოუზე გვეგონა, ნეიტრალური მოედანი ჩვენი ასარჩევი რომ იყოს, ყოველთვის თბილისს ავირჩევდით

17-08-2015
1 კომენტარი

ბარსელონა-სევილია უკვე ისტორიაა. ევროპის სუპერთასის ყველაზე უხვგოლიანი და დრამატული მატჩი თბილისში ჩატარდა, ამ საოცარ სანახაობას კიდევ დიდხანს გავიხსენებთ... 

ამ კვირაში კი ორი სუპერკლუბის სტუმრობის დეტალებზე შევაჩერებთ თქვენს ყურადღებას და 11 აგვისტოს მატჩის სხვა პერიპეტიებზეც გიამბობთ. დღეს ჩვენი სტუმარი საქართველოს ფეხბურთის ფედერაციის საშეჯიბრო განყოფილების ხელმძღვანელი დიმიტრი ბოკერიაა, რომელიც სუპერთასისთვის მზადების პერიოდში და უშუალოდ 11 აგვისტოს ბარსელონას მეკავშირე ოფიცერი იყო.

„ბარსელონას წარმომადგენლებმა თბილისში ვიზიტი სუპერთასის მატჩამდე თვეებით ადრე დაიწყეს და სფფ-სთან ერთად კლუბის ჩამოსვლის ყველა დეტალი შეათანხმეს. მათ თავიდანვე მოეწონათ „დინამო არენა“, ასევე კმაყოფილები დარჩნენ სავარჯიშო მოედნითა და სასტუმროთი. როგორც იცით, ბარსელონამ „თბილისი მარიოტი“ მთლიანად დაჯავშნა“.

უსაფრთხოება – ეს იყო კატალონიური გრანდის უმთავრესი მოთხოვნა. სტუმრებმაც და მასპინძლებმაც საამისოდ ბევრი იშრომეს და საბედნიეროდ, თბილისურმა სუპერთასმა განსაკუთრებული ექსცესების გარეშე ჩაიარა. ბარსელონას თბილისში უსაფრთხოების რვა თანამშრომელი და სამი მზარეული ჩამოჰყვა.

საინტერესოა, როგორი იყო ბარსელონელთა რეაქცია, როცა მათ მატჩის მომლოდინე აურაცხელი ქომაგი საკუთარი თვალით ნახეს.

„ბარსა მთელ მსოფლიოში პუპულარულია, მაგრამ შევამჩნიე, რომ ფეხბურთელები ასეთი გრანდიოზული დახვედრისგან მაინც განცვიფრებულები დარჩნენ. იმას, რაც მათ „თბილისი მერიოტთან“ ნახეს, აშკარად არ ელოდნენ. კლუბის მოთხოვნა კი პირნათლად შესრულდა – სასტუმროსთან შეკრებილ გულშემატკივართა სიმრავლის მიუხედავად, ფეხბურთელები არავის შეუწუხებია“, - გვითხრა ბოკერიამ.

მას 10-11 აგვისტოს ბარსელონას მოთამაშეებთან მჭიდრო კონტაქტი ჰქონდა და მათი პიროვნული თვისებებით მოიხიბლა: „ვიცოდი, რომ ბარსაში თავმდაბალი ფეხბურთელები თამაშობდნენ, მაგრამ მაინც მეგონა, რომ ამ რანგის ვარსკვლავებს მცირე დოზით მაინც ექნებოდათ შეყრილი ვარსკვლავური სენი. მსგავსი არაფერი. კლუბის წარმომადგენლებმა ყველა ფეხბურთელი სათითაოდ გამაცნეს და მათმა უბრალოებამ და უშუალობამ ჩემზე დიდი შთაბეჭდილება მოახდინა. სამწუხაროდ, ესპანურს არ ვფლობ, მესიმ და ბარსელონას ვარსკვლავთა უმეტესობამ კი ინგლისური არ იცის. თუმცა რამდენიმე ფეხბურთელთან, მათ შორის ხერარდ პიკესთან გასაუბრება მოვახერხე და მითხრა, რომ აქაური ატმოსფეროთი აღფრთოვანებული იყო“.

ყველაფერი ეს თამაშამდე, თორემ სტადიონზე ნანახმა ბარსელონელთა ყველა მოლოდინს გადააჭარბა: „კლუბის ბევრმა წარმომადგენელმა მითხრა, რომ თავი „კამპ ნოუზე“ ეგონათ. ბარსელონელებმა აღიარეს, რომ უცხო ქვეყანაში თავი ასე კომფორტულად არასდროს უგრძვნიათ. ისიც თქვეს, ნეიტრალური მოედანი ჩვენი ასარჩევი რომ იყოს, ყოველთვის თბილისს ავირჩევდითო...“

მასპინძლებმა ბარსელონელებს თბილისში ექსკურსია შესთავაზეს, მაგრამ გუნდს საამისო დრო არ ჰქონდა. თამაშამდე მთელი დრო ლუის ენრიკეს გუნდმა სასტუმროში გაატარა (თუ არ ჩავთვლით ვარჯიშებს). ფეხბურთელები და სამწვრთნელო შტაბი საკონფერენციო დარბაზში იკრიბებოდნენ ხოლმე, სადაც თეორიული მეცადინეობები ტარდებოდა.

თამაშის შემდეგ ორივე კლუბმა უმალ აეროპორტს მიაშურა, თუმცა ბარსელონელები და სევილიელები იქ აღარ გადაკვეთილან – სევილიამ საპასპორტო კონტროლი ტრადიციული წესით გაიარა, ბარსელონამ კი ავტობუსით პირდაპირ თვითმფრინავს მიაშურა.

ბოლოს იმასაც გეტყვით, რომ თბილისს ესპანეთის ეროვნული ნაკრების თავკაცი ვისენტე დელ ბოსკე სტუმრობდა, რომელსაც საქართველოს ყოფილი ელჩი ესპანეთში ზურაბ პოლოლიკაშვილი მასპინძლობდა. სახელოვანმა სპეციალისტმა შეძლო კამერების ყურადღების მიღმა დარჩენა, თუმცა მისი თბილისური ვიზიტის ამსახველი ფოტოები ინტერნეტსივრცეში მაინც გამოჩნდა. 

 

GFF.ge

https://fci.ge/uploads/posts/2015-08/1439353719_barcelona-winner-super-cup-2015.jpg
მწვანე ზონა

ინფორმაცია

სიახლისთვის კომენტარის დატოვება შესაძლებელია მხოლიდ მიმდინარე 3 დღე გამოქვეყნების დღიდან.

navige
saitebi