რამოდენიმე საათში მონაკოში გაიმართება უეფას ჩემპიონთა ლიგის 2011/2012 წლების სეზონის ჯგუფური ეტაპის წილისყრა. ჯგუფურ ეტაპზე 32 გუნდი მიიღებს მონაწილეობას. კლუბები 4 კალათაში განთავსდებიან. თითოეულ კალათაში 8 კლუბია. პირველ კალათაში ის კლუბები არიან, რომლებსაც ყველაზე მეტი კოეფიციენტი აქვთ დაგროვილი უეფას რეიტინგით. მეორეში მათზე ნაკლები რეიტინგის მქონე კლუბები არიან, მესამეში უფრო დაბალი კოეფიციენტის კლუბები და მეოთხეში ის კლუბები, რომლებსაც ძალიან დაბალი კოეფიციენტები აქვთ. წლევანდელი ჩემპიონთა ლიგის ჯგუფურ ეტაპზე მონაწილეობენ, 4 ესპანური, 4 ინგლისური, 3 იტალიური, 3 გერმანული, 3 ფრანგული, 2 პორტუგალიური, 2 რუსული , 1 ჰოლანდიური, 1 ბერძნული, 1 უკრაინული, 1 ბელგიური, 1 ჩეხური, 1 ბელარუსული, 1 თურქული, 1 რუმინული, 1 შვეიცარიული, 1 ხორვატული და 1 კვიპროსული კლუბები.